Aurkezpena
PREMIE enpresa txiki eta ertainen kudeaketa hobetzeko programa da.
Horretarako enpresako GERENTZIAK, bere taldearen laguntzarekin eta hausnarketa eta ekintza lantzen dituen metodologia bat erabiliz, antolakuntzak une horretan duen egoera zein den ikusten du eta lortu nahi duen etorkizuna irudikatzen du, etorkizun eta asmo hori eraikitzen hasteko.
Oro har ikusita PREMIE programak egiten dituen proposamenak ondoko hauekin lotuta daude:
- Antolakuntza baten kudeaketa sistema integrala berrikusteko aukera ematea hobetzeko erak zeintzuk diren aztertzeko; hori guztia sistemako atal guztien arteko integrazio handiagoa bideratuz egiten da.
- Bezeroari zuzenduta dagoen kulturaren apustua egitea: bere arazoak, beharrizanak eta igurikizunak, gehieneko baloreko irtenbideak zuzkituz.
- Enpresan pertsonen arteko komunikazioa, integrazioa, partaidetza eta autonomia sustatuko dituen aitzindaritza indartzea.
- Hausnarketa-ekintza ziklo iraunkorrak sustatzea esperientziatik ikasteko eta hala gertatzen ari diren kontuetan nola lortu nahi diren helburuetan oinarritzen diren erabakiak hartzeko.
Proposamenaren xedea enpresa bakoitzak bere kudeaketa sistema propioa eraikitzea da. Horretarako aldi berean mugimendu hirukoitza bideratzen duen aldaketa prozesua egituratzen da:
- Artean balio duten gauza guztiak mantentzea.
- Inertzia hutsagatik mantentzen diren baina egineran zaharkituta dauden eta balore nahikorik zuzkitzen ez duten kudeaketa praktikak ezabatzea.
- Egiteko era berriak, erritmo desberdinak, osotasun bat eratzen duten kudeaketa sistemako atalak integratzeko era desberdinak inkorporatzea.
Edizio honetan, argitalpen honen edukia ondorengo lizentziaren pean argitaratu da: Eskudantzia-BanatuBerdin 4.0 Nazioartekoa (CC BY-SA 4.0).
Informazio gehiago: http://creativecommons.org/licenses/by-sa/4.0/deed.es.
Dokumentuak
Programapremie.net helbideak cookie-ak erabiltzen ditu, bereak zein hirugarrenenak, zerbitzua hobetu eta nabigazio ohiturei buruzko informazio estatistikoa lortzeko. Nabigatzen jarraitzen baduzu haien erabilera onartzen duzula ondorioztatuko dugu.
Informazio gehiago nahi izanez gero Cookie-en atala kontsulta ezazu.