Construcciones Zarate y Elexpe, S.A.
Enpresaren datuak
- Gerentea:
- José Mª Elexpe y Karmele Elexpe
- Helbidea:
- Bixente Kapanaga,19-behea
- Herria:
- Iurreta
- Telefonoa:
- 94 681 66 73
- Jarduera:
- Etxebizitza-eraikuntza
- Webvorria:
- http://www.zarateyelexpe.biz
- E-maila:
- construcciones@zarateyelexpe.biz
- Langileen kopurua:
- 15
Empresaren Deskribapena
Construcciones Zarate y Elexpe, S.A. enpresa familiarrak Durangaldean du egoitza eta etxebizitza-multzoak egitea du jarduera nagusia, enpresaren barruan belaunaldi-aldaketa gertatu berri delarik.
Enpresaren jarduera, lurrak erostean hasi eta etxebizitzak, trastelekuak, garajeak eta merkataritzako lokalak saltzean amaitzen da.
1984an izan zen enpresa-proiektuak Construcciones Zarate y Elexpe, S.A. izena hartu zuenean, berez izen hori enpresa sortu zuten bazkide biek 1960ean hasitako lanaren garapen eta biakaeraren emaitza izan bada ere. Hasieran igeltserotzaren arloan, ondoren eraikuntzakoan: enkarguzko familia bakarreko etxebizitzak, kooperatibako etxebizitza-multzoak, enpresaren beraren sustapen txiki bat.... hori guztiori 1975ean proiektu handiago bati heldu zioten arte: etxebizitza-multzo bat eraikitzeari.
Belaunaldi-aldaketak, era berean, enpresaren egitura aldaraztea ekarri du, eta aldaketa horrek enpresaren maila guztietan eragin du: bazkideak, inplikatutako familiakideak, lan-atal ezberdinetako erantzukizunak eta eginkizunak...
PREMIA da gure ziurtagiri bakarra.
Etorkizuneko erronkak
- PREMIE deritzon kudeaketa-ereduaren finkapena.
- EFQMrako norabidea.
- Hedatzea. Beste arlo batzuetara iristea.
- Langileen artean trebakuntza iraunkorra deritzon filosofia zabaltzea.
PREMIE, komunikazioa eta antolaketa errazten dituen egitura bat sortzeko tresna erraz eta eraginkorra da.
Enpresan PREMIE ezartzeko erabakia hartu ondoren, ekintza batzuk abiarazi ziren; aipagarrienak, besteak beste, honako hauek:
- Maila ezberdinetako komunikazio-sistema: Langileekiko eguneroko eta asteroko bilerak, iragarki-ohola...
- Kostu-zentroetako bakoitzeko kontrol-liburuxkak.
- Gure jarduerarako beren beregia den informatikako programa bat ezartzea eta horren inguruko ezagupen zehatza duten langileak kontratatzea.
- Segurtasun eta higiene arloetako txekeo sistematikoak.
- Lan-prozeduretako txekeo sistematikoak.
- Ikuskapen-sistema bat ezartzea.
Zailtasunak ezberdina den zerbaitek, aldaketarako edo jendeak filosofia berri bat, sistema berri bat beregana dezan egon ohi den burugogorkeriak sorrarazten duen ziurgabetasunean oinarritu dira gehien bat. Jendeari gure ikuspegia helaraztea lan zaila izan da. Inertziak geldiaraztea. Hortaz, elkar ulertzearen kopuru handi bat behar izan da eta, aldi berean, zuzendaritza bera etsipenean eror ez zedin.
Hasieran astean 8 orduko dedikazioa eskaintzea eskatu zigun. Astiro-astiro dedikazio hori disolbatuz joan zen, eguneroko lan bilakatu zelarik, jardueraren berezko osagaia baitzen.
Langile bakoitza aldaketaren nondiknorakoa ulertuz joan zedin, horretan egon da gakoa, ondoren filosofia berriaren laguntzaile/ezartzaile bihur zitezen.
- Enpresa barruko sail ezberdinen arteko komunikazioaren hobekuntza.
- Ekintza ezberdinen antolaketa eta koordinazioaren hobekuntza.
- Langileek, proiektu ezberdinak garatzeko orduan parte-hartze handia eduki dezaten.
- Trebakuntza iraunkorreko egitarau bat sartzea.
- Bezeroen itxaropenak objektiboki hobeto ezagutzea, ondoren bezero horien asebetetzea lortu ahal izateko.
- Kostu-zentroen kontrola eta etorkizunerako proiektuen aurreikuspen hobeagoa.
- Erabaki zuzenagoak hartzeko lagunduko diguten adierazle egokiak ezartzea.
- Irudiaren hobekuntza.
- Enpresaren izate eta ezaugarriei buruzko ikuspegi globalagoa eta zehatzagoa.
- Hasi eta zabaltzeko aukerak.
Arrazoiak
Behin konturatu ginen enpresak hainbat hutsune zituela bere kudeaketan. Hainbat urtez enpresan intuitiboki aritu izan baginen ere, orduan garai berrietara egokitu beharraz jabetu ginen. Ez genekien arazo horri globalki zelan heldu. Hainbat betebeharraz jabetu ginen, hala nola, sistema batez, egitarau batez eta enpresaren eremu ezberdinetara ezartzeko tresna batez. PREMIE aurkitu genuen, eta metodo hori gure ezaugarrietara ondo egokitzen zela ikusi ostean, bilatzen ari ginen tresna zela erabaki genuen.
Orain finkatze-aldiarekin jarraitu nahi dugu, Hobekuntza Iraunkorrak gure enpresaren kulturaren filosofia izan behar duela eta etorkizunerako ikuspegia sortzen digun eremua dela uste dugulako.
Aholkuak
Hobekuntza Iraunkorra, amaierarik gabeko ikuspegia sorrarazten duen kontzeptua da. Hori norberaganatzeak eraberritu behar izatea dakar, geldirik ez egotea, garaiekin batera aurrera egitea. Beraz, merkatuan eutsi ahal izateko, lehiakorra izateko plataforma tinkoa da, Hobekuntza Iraunkorreko metodoa abiarazten emandako denbora guztia, baita enpresako langile guztiek taldearen osagaiak direla eta ezin direla prozeduratik kanpo geratu uler dezaten emandako denbora guztia errentagarritasun handiko inbertsioa da; horixe da ulertu behar dena. Hortaz, merezi du prozedura honi ilusioz eta irmotasunez ekiteak, balio handiko tresna da eta.
PREMIE, Hobekuntza Iraunkorreko metodo praktiko bat da, enpresa txikiaren ezaugarrietara egokitua, eta enpresari txikiari bere burua eraginkortasunez kudeatzeko laguntza eskainiko diona.
"PREMIEn, kudeaketa objektiborako tresna egokia eta oso erabilkorra aurkitu dugu, etorkizunerako proiekzioa emango diguna." (José Mª Elexpe eta Karmele Elexpe,Construcciones Zarate y Elexpe, S.A.ko gerenteak)- PREMIE:
- Kudeaketa zure neurrira
- Kudeatzaile batek behar dituen tresnak
- Pertsonen aldeko apostua
- Kokatu, hitzeman eta hobetzen laguntzen du
- Kudeaketa-metodo berriak sortu
- Zure enpresa ulertzeko eta etekina ateratzeko tresna
- Enpresaren diagnosia
- Antolamendu-eredua
- Etorkizuna kudeatzen